“Tss...tss...tss…tss...tss…tss....” Da sot el maya el kanet 3ammala tna2at men el takeef tool el lel embare7, se7et 7arran w arfan w msh nayem kwys, lebest hdoomy wna metzarben w nzelt 3shan aroo7 el shoghl.
Lamma wselt l awel el share3 fata7t el ma7faza 3shan atalla3 floos w awa2af taxi, ektashaft eny m3yish floos, etnarfezt gedan la2an el ATM be3eed wna msh faye2 lesa a3od amshy waroo7 as7ab w el farhada dy.
Ettarret eny astana el shuttle bus el b blash el mloosh mw3id mo3yna, w tool man a3ed mstny 3amal afteker sot el takeef el mostafez w a2ol l nafsy da eh el yom el nakad men awelo da! B3d shwya gah el shuttle bus, w rkbt, w tle3 eno mbywdish 3l shoghl 3ltool, bynazzel f 7etta ablo b shwya, fa nzelt w ettaret amshy bta3 10 mins fel 7arr, wel shams wel3a. Wselt el ghoghl met27’ar w 7arran w 3ar2an w msh taye2 nafsy, 3ammal asebb wal3an w 3yz atkhane2 ma3 debban weshy.
A3att 3al maktab bta3y, w la7ezt en fee wa7ed gdid awel mara ashofo a3ed fel cubicle el gnby, el hya kanet fadya abl kda. Shaklo Chinese , kan
.
Awel ma a3att w fata7t el laptop w bd2t afta7 emailaty w ashof el waraya, sme3t soot 3aly awy gay men wraya, sot msm3toosh abl kda, zay raz3 kda aw habd monazzam; basset waraya w la2et el ragel el chinese el kan a3ed gamby we2ef w mashy fel maktab raye7 n7yet el bab, kan byo3org, 3arga w7sha awy, msh baseeta, aktar 3arga bayna shoftaha f 7yaty, kol reglo el yemeen betlef laffa kamla kol mara byshelha w y7otaha tany 3al ard, w gesmo kolo btla3 w ynzl f kol 7’atwa bya7’odha, w howa da el kan bye3mel el sot el gamed awy da, habdet regleeh 3al ard. Fedelt atfarrag 3aleh w howa mashy l7ad ma wesel
Awel e7sas 7aseto sa3etha (abl ma 7atta a7es eno s3ban 3lya) 7asset eny arfan men nafsy, w moshma2ez menha, w msh msda2 ana ezay mastahelsh a3ish kda! Ba2a ana tool el yom 3mal asebb wal3an w mdaye2 men 3eshty w men 7yaty, 3shan el takif byna2at maya, w 3shan mkontsh ader amshy l7ad el ATM, w 3shan meshet shwya fel 7ar! Ana mosta3ed a7lef en el ragel da m3ndoosh ayyyyyy mane3 eno actually yet3’arra2 b mayet el takeef kol yom w howa nayem, w ys7a yleff 3ala kol el ATMS el fel mante2a, w yro7 w yerga3 kol yom mel sho3’l mashy fe moqabel en reglo teb2a 3adeya, w ye3raf yegry w yel3ab kora, w y3raf y3oom w yleff w ytfsa7, aw maybe howa msh 3ayez koool el 7gat dy; maybe howa 3yz reglo tb2a 3adeya bas 3shan y3raf ymshy 3ady f west el nas w myb2ash maksoof, w my3mlsh dawsha wel nas matfdlsh tboss 3aleh, w may7essesh bel shafaqa 3alatool,w my7esesh eno self conscious tool el wa2t.
We el afkar dy khalletny afkar f kol 7aga f 7yaty, w kol 7aga 7awalaya, khalletny afkar fe kol el nas el m3ndhash beet aslan 3shan yb2a fee takeef 3shan yn2at 3lehom! Wel nas el m3homsh floos yshtro ma7faza y7oto feha ATM card, w tb3an el nas el 3omraha aslan ma sem3et 3an 7aga esmaha ATM card, wel nas el 3omraha ma rekbet otobis, msh 7atta taxi, wel nas el m3ndhash shoghl troo7o met27’ar aw badry, w da khlany afkar f kol el 3andena w msh 7asseen beeh, kol mara bn2ool fiha “off! W eh el araf da! W eh el zolm da! W ana mkhnoo2 awy! W leh ya Rab kda! Ana bgd msh taye2 3eshty!“ we7na 3andena kooool 7aga, fe 3a2elat kamla m3ndhash 7aga w7da bas mel 3and ay wa7ed fina!
Leh bnfkar bas f el msh 3ndna w mbnfkrsh f el msh 3and el nas, leh 3omrena mabn2ool el 7amdolelah, w leh 3omrena mbnshkor rabbena w leh wkhdeen kol 7aga for granted, w bndaye2 lama 7aga w7da tro7 menena, aw 7aga w7da nefsna fiha magatlenash, ma3 en el waqe3 en aslan kol 7aga bta3et rbna, howa el edana kol 7aga, w howa el momken yakhodha f ay wa2t, la2an kolaha bt3to.
law wa7ed gah men nafso kda edak meet gneh hedeya lellah f lellah, b3den gah khad menak 5, 7a2o wla msh 7a2o? akid msh hatedaye2, hatboos 2edek wesh w dahr, la2an howa aslan kareem gedan,W law w7da gat edetek 100 gneh, htdy2y law madetkish kman 10? Tab3an la2, la2n hya msh motalba enaha tediky 7aga mel awl! Tab mabalak b2a bel edak kol 7aga, edak 7yatak, w edaky 3neky w 2deky w reglak, w floosak w lebsak, w se7etak w sa3adtak, w bardo msh 3agbak! da7na el mafrood n2ol el7mdolelah 3la kol so3'yara w kbira, w lamma nedaye2 en fe 7aga msh 3ndena, nftker bsor3a en fe nas m3ndhash ayyyy 7aga f ayyy 7aga, w n2ool el7mdolealh f sa3etha.
A3at afkar f kol el 7gat dy, b3den 2olt el7mdolelah, el7mdolelah, el7mdolelah, w fdelt mdaye2 shwaya b3den bada2t shoghl, w rakezt fel shoghl w b3den ektshft en wraya shoghl ktir awy, w hyakhod wa2t taweel, fa etkhn2t awy, w olt l nafsy eh el araf da, leh mb2ash bashtghal shoghl alazz, aw babaya kan yb2a millionaire w yshghlny m3ah fel sherka, ba3den fakart fe raqam million, w eny 3ayez ab2a millionaire, w eny nefsy f 3arbya a7la, w....w nset kol el ana kont bfkar fi men 5 d2aye2, 3shan ana bani2adam, wel bani2adam byensa, w 3shan kda lazem nfakar b3d dayman, enena n2ol el7mdolelah.
great post, i really enjoyed it. although i got a bit bored in the middle and i though it will end up with the regular thank god speach bas ur ending was very good.
ReplyDeletethe part where u mention we should remind each other to thank god.
on another issue i would like to say that u ( islam ) have changed in so many ways of course as we have all told u bas mawdoo3 2nak te3raf 2n mashaklak mesh heya nehaayet el 3aalam dah is a new change. a7'eeran u got to that idea which i c men weghet nazary kan 3eib feek.allow me to say "islaaam.....2nta 2t3'ayart" :)
keep the good work up
el 7md lelaah
el 7amdulillaaaah.... 3agabtny awi 7etet el 100 geneh kudos, eba2a fakarny a7kellak kessa 2oreybbaa mn deeh ... 3aaaashhh
ReplyDeleteSAMEH SALEH ...WOOOW..... msa yabny u r getting better and better every time... walahhy i wd pay u to write in my journal if i have one... nd thx for the reminder.. bs rabna ykrmk bas ye3ny eh ATM ?? :D
ReplyDeletewalahy ya S el kalam da gameel geddan .. bas our problem is we always forget wut we have but yet we have a lot which is in front of our eyes but we cant see coz its always been there ..
ReplyDeleteI like the post a lot .. keep on ! :)
Ra7many